برسوں کے بعد ديکھا اک شخص دلربا سا
اب ذہن ميں نہيں ہے پرنام تھا بھلا سا

ابرو کھچے کھچے سے آنکھيں جھکي جھکي سي
باتيں رکي رکي سي، لہجہ تھکا تھکا سا

الفاظ تھے کہ جگنو، آواز کے سفر ميں
بن جائے جنگلوں ميں جس طرح راستہ سا

خوابوں ميں خواب اس کے، يادوں ميں ياد اس کي
نيندوں ميں گھل گيا ہو جيسے کہ رتجگا سا

پہلے بھي لوگ آئے کتنے ہي زندگي ميں
وہ ہر طرح سے ليکن اوروں سے تھا جدا سا

اگلي محبتوں نے۔۔۔ وہ نامرادياں ديں
تازہ رفاقتوں سے دل تھا ڈرا ڈرا سا