Tere ishq kii intahaa chaahataa huu.N
merii saadagii dekh kyaa chaahataa huu.N

sitam ho ki ho vaadaa-e-be-hijaabii
koii baat sabr-aazamaa chaahataa huu.N ]

ye jannat mubaarak rahe zaahido.n ko
ki mai.n aap kaa saamnaa chaahataa huu.N

koii dum kaa mehmaa.N huu.N ai ahal-e-mahafil
chiraaG-e-sahar huu.N, bujhaa chaahataa huu.N

bharii bazm me.n raaz kii baat kah dii
barraa be-adab huu.N, sazaa chaahataa hu